1 Kings 16
1Tua ciangin Baasha langah Hanani tapa Jehu tungah TOPA thu tunga: 2“Leivui panin nang kong laamto a, ka mi Israel makai kong suaksak hi, ahi hangin Jeroboam lampite na zui-a, ka mi Israel mawhna bawlsakin amaute mawhna hanga ka heh nadingin hong phin uh hi. 3Tua ahi ciangin Baasha le a innkuante ka haltum dinga, na innkuante Nebat tapa Jeroboam innkuante ka bangsak ding hi. 4Baasha tawh kisai-in khuapi sunga site uite in ne ding uh a, gam sunga site, huihlak vasate in kivakna-in a nei ding uh hi,” a ci hi. a 5 Baasha uk sunga thupiang dangte le ama matutsate Israel kumpite khangthu ciamtehna laibu sungah kigelh hi lo ahi hiam? 6Baasha a pate tawh tawlnga ta a, Tirzah ah kivui hi. Tuateh a tapa Elah in luah a kumpi a suak hi. b 7 Tua tham loin Baasha in Jeroboam innkuan tawh kibangin TOPA mit ah asia in gamta in,ama sepsa nate tawh amah phinin a hehsak na hang leh Jeroboam innkuan a suksiatna hangin Hanani tapa kamsangpa Jehu tungtawnin TOPA thu Baasha le a innkuante kiangah a tung hi.Israel Kumpi Elah
8 Judah kumpi Asa a kum sawmnih le gukna kumin Baasha tapa Elah Israel kumpi suak-a Tirzah ah kum nih sung a mang hi. 9 Ama uliante khat, a sakollengte alang a ukpa Zimri in amah a sawmsim hi. Tua hun laitakin Tirzah ah Elah om a, Tirzah-a kumpi-inn ukpa Arza inn ah zu a kham hi. 10Zimri a sungah tuma amah sattukin a that hi. Tua kum pen Judah kumpi Asa a kum sawmnih le sagih a cinna kum ahi hi. Tua ciangin ama mun luaha amah kumpi a suak hi. 11 Amah a uk dinga a kipat kumpi tokhom ah a tut phetin Baasha innkuan buppi a thatpah hi. Amah in a kitanaupihte ahikeh a lawmte pasal khat zong a siit kei hi. 12Tuaci-in kamsangpa Jehu tungtawnin Baasha langah TOPA in a gensa thu bangin Zimri in Baasha innkuan buppi a sumaimang hi - 13man a nei lo amau milimte tawh TOPA Israel Pasian phinin a hehsak nadingun Baasha le a tapa Elah bawlsa mawhnate le Israel mawhna a bawlsakna uh hang ahi hi. c 14 Elah in a uk sungin a thupiang dangte le ama sep khempeuh Israel kumpite khangthu ciamtehna laibu sungah kigelh hi lo ahi hiam?Israel Kumpi Zimri
15 Judah kumpipa Asa a kum sawmnih le sagihna kumin Zimri in Tirzah ah ni sagih sung a uk hi. Philistia-te khuapi khat ahi Gibbethon gei ah galkapte in giahphual a sat uh hi. 16Zimri in kumpipa sawmsimin amah that hi, cih a zak uh ciangin tua giahphual mah ah galkap mangpa Omri, Israel uk kumpi dingin a tangko uh hi. 17Tua ciangin Omri le a ompih Israel-te khempeuh Gibbethon panin nung kik uh a, Tirzah a umcih uh hi. 18Zimri in khuapi a kilak khit lam a muh ciangin kumpi-inn sunga inn muanhuai sungah tumin a kimkot a kumpi-innte mei in a halin si hi, 19bang hang hiam cih leh amah in TOPA mit-ah gamtatsia-in Jeroboam’ lampite zui-in mawhnate bawl a Israel zong a khialhsak hang ahi hi. Amah TOPA mitah gamtatsia a, a bawlsa mawhnate le Jeroboam in a bawlsa mawhnate le Israel a mawhsakna lampite a totna hangin amah a si ahi hi. d 20 Zimri uk sunga thupiang dangte le a lehdona-te Israel kumpite khangthu ciamtehna laibu sungah kigelh hi lo ahi hiam?Israel Kumpi Omri
21 Tua ciangin Israel mite kikhenin khen nih suak uh hi; a lang in kumpi dingin Ginath tapa Tibni pawl uh a, a lang in Omri a pawl uh hi. 22Ahi hangin Ginath tapa Tibni nungzuite sangin Omri nungzuite thahat zaw uh hi. Tua ciangin Tibni si ,a Omri kumpi a suak hi. 23 Judah kumpipa Asa a kum sawmthum le khatna kumin Omri, Israel kumpi suak-a, kum sawm le nih sung ukin tua kumte sungah kum guk sung Tirzah ah a om hi. 24Amah in Shemer tung panin ngun talent nih ▼▼16.24 Tua in pound 150 bang (kilogram 70 bang)
in Samaria mual lei a, mualtungah khuapi khat lamin a mual nei masapa min puasaka, a min Samaria a phuak hi. 25 Ahi hangin Omri in ama ma-ate khempeuh sangin mawhzaw a TOPA mit ah a gitlohna a bawl hi. 26Amah in kimanna a nei lo amau milimte tawh TOPA Israel Pasian phinin a hehsak nadingin Nebat tapa Jeroboam mawhna le Israel a bawlsak mawhna lampite khempeuh a tawn hi. f 27 Omri uk sunga thupiang dangte le a septe le a matutsate Israel kumpite khangthu ciamtehna laibu sungah kigelh hi lo ahi hiam? 28Omri a pate tawh tawlnga ta a, Samaria ah kivui hi. Tuateh a tapa Ahab in luah a kumpi a suak hi. Ahab, Israel Kumpi Suak
29 Judah kumpipa Asa a kum sawmthum le giatna kumin Omri tapa Ahab, Israel kumpi suak-a, Samaria ah mangin kum sawmnih le nih sung Israel a uk hi. 30Omri tapa Ahab in ama ma-ate khempeuh sangin TOPA mit-ah a siazaw-in a gamta hi. 31Amah in Nebat tapa Jeroboam bawlsa mawhnate a thupi sim loh bek hi loin Sidonte kumpipa Ethbaal tanu Jezebel nangawn tenpih a, Baal na semin a bia hi. 32Amah in Samaria-a a lamsa Baal biakinn sungah Baal adingin biakna-tau khat a dawh hi. 33Ahab in Asherah khuam khat zong bawla, ama ma-a Israel kumpite khempeuh sangin TOPA Israel Pasian phinin a hehsak zaw hi. g 34 Ahab hun sungin Bethel-te Hiel in Jericho a lam kik hi. TOPA in Nun tapa Joshua tunga a genna tawh kizui-in amah in a tapa upa pen Abiram luang manin a bulpite phum a, a tapa a tum pen Segub luang manin a kongpite a tung hi. h
Copyright information for
ZomZIV